Abraham Lincoln is one of my favorite presidents. I came across this website a list of his favorite poems. On the list of his favorite poems was a favorite poem of my father. I have decided to reprint here that favorite poem shared by both Abraham Lincoln and my father. Two men that I admire very much!

A Man’s A Man For A’ That
by Robert Burns

Is there for honest Poverty
That hings his head, an’ a’ that;
The coward slave—we pass him by,
We dare be poor for a’ that!
For a’ that, an’ a’ that.
Our toils obscure an’ a’ that,
The rank is but the guinea’s stamp,
The Man’s the gowd for a’ that.

What though on hamely fare we dine,
Wear hoddin grey, an’ a that;
Gie fools their silks, and knaves their wine;
A Man’s a Man for a’ that:
For a’ that, and a’ that,
Their tinsel show, an’ a’ that;
The honest man, tho’ e’er sae poor,
Is king o’ men for a’ that.

Ye see yon birkie, ca’d a lord,
Wha struts, an’ stares, an’ a’ that;
Tho’ hundreds worship at his word,
He’s but a coof for a’ that:
For a’ that, an’ a’ that,
His ribband, star, an’ a’ that;
The man o’ independent mind
He looks an’ laughs at a’ that.

A prince can mak a belted knight,
A marquis, duke, an’ a’ that;
But an honest man’s abon his might,
Gude faith, he maunna fa’ that!
For a’ that, an’ a’ that,
Their dignities an’ a’ that;
The pith o’ sense, an’ pride o’ worth,
Are higher rank than a’ that.

Then let us pray that come it may,
(As come it will for a’ that,)
That Sense and Worth, o’er a’ the earth,
Shall bear the gree, an’ a’ that.
For a’ that, an’ a’ that,
It’s coming yet for a’ that,
That Man to Man, the world o’er,
Shall brothers be for a’ that.

For the list of Abraham Lincoln’s favorite poems, please click the link below.

http://www.poets.org/viewmedia.php/prmMID/23086?utm_source=update_081612&utm_medium=newsletter&utm_campaign=content&utm_term=lincoln_poems